मुंबई | ABN News Marathi
राज्य सरकारच्या शाळांतील त्रिभाषा धोरणाविरोधात यशस्वी लढा देणारे राज ठाकरे आणि उद्धव ठाकरे आता एकत्र विजयी जल्लोष साजरा करत आहेत. 5 जुलै रोजी वरळी डोम सभागृहात शिवसेना (उद्धव बाळासाहेब ठाकरे) आणि मनसेचा एकत्रित विजयी मेळावा पार पडणार आहे.
एकत्र आवाहन – वाजत गाजत या, गुलाल उधळत या!
दोन्ही नेत्यांनी सोशल मीडियावर एकत्रित पोस्ट करत मराठी जनतेला निमंत्रण दिलं आहे:
“आवाज मराठीचा! वाजत गाजत या, जल्लोषात, गुलाल उधळत या!”
या मेळाव्याचे आयोजक राज आणि उद्धव ठाकरे असले तरी त्यांनी स्पष्ट केलं आहे की जल्लोषाचा खरा नायक मराठी जनता आहे.
सरकारनं घेतला मागे जीआर
मराठी विषयासोबत हिंदी सक्तीविरोधात ठाकरेंनी रान उठवलं होतं. यानंतरच सरकारने त्रिभाषा धोरणाचा जीआर रद्द केला. ही जनतेच्या लढ्याची आणि एकतेची मोठी जिंक आहे, असं दोघांनी म्हटलं आहे.
मेळाव्याचे ठिकाण व वेळ
स्थान: वरळी डोम सभागृह, मुंबई
तारीख: 5 जुलै 2025
वेळ: लवकरच जाहीर
राजकीय भूकंपाचे संकेत?
या मेळाव्यामुळे महाराष्ट्राच्या राजकारणात नव्या समीकरणांची सुरुवात होणार का, असा प्रश्न उपस्थित होतो आहे. ठाकरे बंधूंच्या एकत्रित आंदोलनानंतर आता आगामी निवडणुकांमध्ये नवे समीकरण तयार होण्याची शक्यता वर्तवली जात आहे.